h1

Jalan Lain Ukur Sawangan Warga Desa Cibinuang

29 Maret 2012

Kuningan, IB

Desa Cibinuang asup wewengkon pakotaan, maklum mangrupa salah sahiji desa di Kacamatan Kuningan. Tapi anehna masih loba keneh fasilitas umum pangpangna jalan lingkungan anu acan ka garap.

Desa ieu nembe rengse ngaropea jalan poros desa kurang leuwih 2 km, nu nyambungkeun Desa Cibinuang jeung Kalurahan Citangtu. Jalan eta diropea oge pedah wae samemahna masyarakatna kungsi demo bari melak tangkal cau jeung sampeu dina jalan kasebut, sarta dibewarakeun di sawatara media cetak. Teu samantarean jalan eta langsung digarap kalayan daria, komo ieu mah apan waragadna oge tos siap.

Rengse ngaropea jalan poros  desa, saur Kuwu Cibinuang, Endjo Sapjda diwuwuh ku pupuhu OMS PPIP, Aman Suwanda, S.Pd,  diteruskeun kana nyieun jalan di Lembur Kopo. Jalan nu diwangun tina waragad PPIP (Percepatan Peningkatan Infrastrukur Perdesan) 2011 eta panjangna 187 meter legana 3 meter di cor beton. Wuwuhan jalan enggal saurna teh sangkan pengkuh.

Lian ti eta, tina PPIP 2011 eta diancokeun oge kana ngawangun jalan di Blok Puhun nu panjangna 350 meter. Ieu oge sarua dicor, mung bedana ditambah balai nu panjangna 10 kali 4 meter. “Didamelkeunna balai (TPT) eta sangkan jalan langkung tohaga. Komo ieu samemehna kungsi aya longsor (urug) di wewengkon jalan eta,” saur Endjo Sapdja.

Anjeunna nganuhunkeun pisan ka pamarentah anu tos merhatikeun pangwangunan di desa boh tina PPIP, ku rekanan atanapi tina program PNPM. “Sadayana oge kanggo karaharjaan rahayat khususna di Desa Cibinuang ieu,” saur Endjo Sapja. (tan)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: