h1

Bupati Masrahkeun 100 Sertikat Taneuh keur Masarakat Miskin

24 Maret 2012

Pancalang, IB

Bupati Kuningan H. Aang Hamid Suganda masrahkeun 100 iji sertifikat taneuh keur masarakat nu boga pangasilan leutik. Bantuan ti Kementerian Perumahan Rakyat RI ieu dipasrahkeun di tepas Kantor Kuwu Desa Sarewu Kacamatan Pancalang, Salasa (25/10/11).

Acara diluuhan ku Wakil Bupati Kuningan Drs. H. Momon Rochmana, MM,  Pupuhu DPRD H. Acep Purnama, SH, MH, katut Kasdim Mayor Safarudin.

Lian tie eta, Pupuhu Pengadilan Kuningan Erwan Toni, SH, Pupuhu BPN Kuningan Arwansyah Salam, turta Staf ti Kementrian Perumahan Rakyat RI, Camat Pancalang Eni Sukarsih, jeung sajabana.

Rompok mangrupa pangabutuh poko manusa, tapi dina prakna loba keneh anu acan bisa nyumponan pangabutuh kasebut. Nu jadi cukang lantaranna dumeh mahalna harga material (bahan bangunan) saperti semen, bata, kituna oge ongkos pikeun nu gawena.

Pupuhu Dinas Tata Ruang dan Cipta Karya Kabupaten Kuningan, Drs. H. Lili Suherli, M.Si netelakeun yen ti ngawitan gumelarna program bantuan stimulan paimahan swadaya ti Kemenpera, Kabupaten Kuningan tos kenging 150 rompok. Wincikan bantuan paimahan eta ngawengku taun 2008 lobana 150 iji, 2009 (100 iji), 2010 (150 iji) katut 2011 (100 iji).

Numutkeun H. Lili Suherli, dina empronna pangwangunan teu saeutik kenging pangrojong boh ti Pemda Kuningan atanapi ti masarakat, hususna keur masarakat nu boga pangasilan leutik.

Anjeunna nyebutkeun yen dian taun 2011 ayeuna, Kabupaten Kuningan kenging bantuan 100 imah. Bantuan eta wincikanna 50 imah kanggo ngaropea (rehab), unggal   imah kenging Rp. 5 juta. Lain ti eta, 50 urang kenging bantuan kanggo ngawangun imah warga miskin, gedena bantuan Rp. 10 juta unggal imahna. “Sagemblengna jumlah bantuan tujuh ratus lima puluh juta rupia nu diancokeun kana ngaropea imah 50 imah sareng 50 imah nu diwangun,” saur H. Lili Suherli.

Bupati Kuningan dina biantarana ngedalkeun panuhunna ka Kementerian Perumahan Rakyat anu tos ngancokeun bantuan stimulan swadaya paimahan ka Kabupaten Kuningan. Nu antukna masarakat leutik pangasilan bisa ngawangun imahna kalayan payus.

Dina lolongkrang eta, Bupati masrahkeun 100 sertifikat taneuh ka masarakat nu meunang bantuan fasilitasi pangwangunan imah katut ngaropea imah. Sertifikat taneuh eta mere kapastian hukum turta dipiharep masarakat ngaronjat karaharjaanna.

Aang miharep sangkan masarakat nu kenging bantuan sertifikat, bisa ngarawat sertifikat dumeh sertifikat teh kaasup surat berharga. “Kahade sertifikat dirawat, ulah tepi ka leungit komo digunakeun kana anu taya mangpaatna nu antukna bisa ngarugikeun diri,” saur Bupati Aang mungkes biantarana. (rml)

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s

%d blogger menyukai ini: